തിരുവനന്തപുരം: ഇന്ത്യന്‍ അക്കാഡമി ഓഫ് പീഡിയാട്രിക്‌സ് കേരള ശാഖയുടെ ആഭിമുഖ്യത്തില്‍ സംഘടിപ്പിക്കുന്ന സ്‌കൂള്‍ വിദ്യാര്‍ഥികള്‍ക്കുള്ള അടിയന്തിര ജീവന്‍ രക്ഷാ പരിശീലനത്തിന്റെ സംസ്ഥാനതല ഉദ്ഘാടനം വട്ടിയൂര്‍ക്കാവ് സരസ്വതി വിദ്യാലയത്തില്‍ മന്ത്രി കെ.കെശൈലജ നിര്‍വഹിച്ചു.
കെ. മുരളീധരന്‍ എം.എല്‍.എ പരിശീലന സി.ഡി.യുടെ പ്രകാശനം നിര്‍വഹിച്ചു. ഐ.എ.പി. സംസ്ഥാന പ്രസിഡന്റ് ഡോ. എം.എന്‍ വെങ്കിടേശ്വരന്‍ അധ്യക്ഷനായി.
സരസ്വതി വിദ്യാലയ ചെയര്‍മാന്‍ ജി. രാജമോഹന്‍, പ്രിന്‍സിപ്പാള്‍ ഒ.ആര്‍ ഷൈലജ, ഐ.എ.പി ഭാരവാഹികളായ ഡോ. പി.എ മുഹമ്മദ് കുഞ്ഞ്, ഡോ. എ. സന്തോഷ്‌കുമാര്‍, ഡോ. റിയാസ്, ഡോ. രാജ്‌മോഹന്‍, ഡോ. ക്രിസ്റ്റിന്‍ ഇന്ദുമതി, ഡോ. അഞ്ജു ദീപക് എന്നിവര്‍ പങ്കെടുത്തു. ഡോ. പ്രമീള ജോജി, ഡോ. അഭിരാം ചന്ദ്രന്‍ എന്നിവര്‍ വിദ്യാര്‍ത്ഥികള്‍ക്കുള്ള പരിശീലനത്തിന് നേതൃത്വം നല്‍കി.