ദോഹ: മലപ്പുറം ലോക്‌സഭാ ഉപതെരഞ്ഞെടുപ്പിന്റെ ആവേശം ഗള്‍ഫിലും. ദോഹയില്‍ യു.ഡി.എഫ് സ്ഥാനാര്‍ഥിയുടെ വിജയത്തിനായി ഖത്തര്‍ കെ.എം.സി.സി മലപ്പുറം ജില്ലാ കമ്മിറ്റി വിപുലമായ തെരഞ്ഞെടുപ്പ് കണ്‍വന്‍ഷനാണ് സംഘടിപ്പിച്ചത്. കണ്‍വന്‍ഷനില്‍ റോജി എം. ജോണ്‍ എം.എല്‍.എ പങ്കെടുത്തു. മതേതരത്വവും ജനാധിപത്യവും ചോദ്യം ചെയ്യപ്പെടുന്ന വര്‍ത്തമാനകാലത്ത് കുഞ്ഞാലിക്കുട്ടിയെ പോലെയുള്ള നേതാക്കളുടെ സാന്നിധ്യം മതേതരചേരിക്ക് കരുത്തുപകരുമെന്ന് അദ്ദേഹം പറഞ്ഞു.
കണ്‍വന്‍ഷനില്‍ പി.പി അബ്ദുറഷീദ് അധ്യക്ഷത വഹിച്ചു. കെ.എം.സി.സി സംസ്ഥാന പ്രസിഡന്റ് എസ്.എ.എം ബഷീര്‍ ഉദ്ഘാടനം ചെയ്തു. അബ്ദുന്നാസര്‍ നാച്ചി, ഹൈദര്‍ ചുങ്കത്തറ (ഇന്‍കാസ്), സലീം നാലകത്ത്, കെ.ടി.എ ലത്തീഫ്, സവാദ് വെളിയംകോട്, അബ്ദുല്‍ അക്ബര്‍ വേങ്ങശ്ശേരി, റഫീഖ് കൊണ്ടോട്ടി പ്രസംഗിച്ചു.