കോഴിക്കോട്: സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റിയുടെ കീഴില്‍ ഈ മാസം പത്തിന് കുറ്റിക്കാട്ടൂര്‍ യമാനിയ്യയില്‍ നടക്കുന്ന പതിനാലാമത് ജില്ലാ കലാമേളക്ക് അന്തിമരൂപം നല്‍കി. തിങ്കളാഴ്ച നാലുമണിക്ക് വിളംബര യാത്രനടക്കും.
ആര്‍.വി കുട്ടിഹസന്‍ ദാരിമി പതാക ഉയര്‍ത്തും. അഞ്ചിന് ഉദ്ഘാടന സമ്മേളനത്തില്‍ ജില്ലാ പ്രസിഡന്റ് കെ.കെ ഇബ്‌റാഹിം മുസ്‌ലിയാര്‍ അധ്യക്ഷനാകും.
സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. ഒളവണ്ണ അബൂബക്കര്‍ ദാരിമി, പൊതാത്ത് മുഹമ്മദ് ഹാജി, എ.പി സലീം ഹാജി, കെ. മരക്കാര്‍ ഹാജി, പി. യൂസുഫ് ഹാജി സംസാരിക്കും. ചൊവ്വാഴ്ച രാവിലെ എട്ടരമുതല്‍ അഞ്ചുവേദികളിലായി ജില്ലയിലെ അന്‍പത്തിയേഴ് റെയ്ഞ്ചുകളില്‍ നിന്നുള്ള നാന്നൂറില്‍പരം പ്രതിഭകള്‍ മാറ്റുരക്കും.
അഞ്ചിന് സമാപന പൊതുസമ്മേളനം സ്വാഗതസംഘം ചെയര്‍മാന്‍ കെ.പി കോയയുടെ അധ്യക്ഷതയില്‍ ഡോ. എം.കെ മുനീര്‍ എം.എല്‍.എ ഉദ്ഘാടനം ചെയ്യും. പി.ടി.എ റഹീം എം.എല്‍.എ ട്രോഫി വിതരണം ചെയ്യും.
സമസ്ത മാനേജര്‍ കെ. മോയിന്‍കുട്ടി മാസ്റ്റര്‍ പ്രഭാഷണം നടത്തും. ജില്ലാ പ്രസിഡന്റ് കെ.കെ ഇബ്‌റാഹിം മുസ്‌ലിയാരുടെ അധ്യക്ഷതയില്‍ ചേര്‍ന്ന യോഗത്തില്‍ ചേര്‍ന്ന സ്വാഗതസംഘം യോഗത്തിന് സെക്രട്ടറി പി. ഹസൈനാര്‍ ഫൈസി സ്വാഗതം പറഞ്ഞു.
സൈനുല്‍ ആബിദീന്‍ തങ്ങള്‍, കെ.പി കോയ, പി. അബ്ദുറഹ്മാന്‍, ബാവഹാജി, കെ.കുഞ്ഞായിന്‍ മുസ്ലിയാര്‍, ഇ.കെ അബ്ദുല്ല ഫൈസി, പി. അംജദ്ഖാന്‍ ഫൈസി, ടി.കെ അബ്ദുല്‍ഖാദര്‍ ബാഖവി, എന്‍.എ അഷ്‌റഫ് ബാഖവി, സി.പി.എ സലാം, പി.കെ അബ്ദുല്ല ബാഖവി, കെ.എ റഷീദ് ഫൈസി വെള്ളായിക്കോട്, എ.ടി മുഹമ്മദ് മാസ്റ്റര്‍, കെ.കെ മുസ്തഫ അല്‍ഹസനി സംസാരിച്ചു. കണവീനര്‍ ആര്‍.വി സലീം നന്ദിപറഞ്ഞു.