കൊല്ലങ്കോട് : ബസുകള്‍ തമ്മില്‍ സമയ പ്രശ്‌നം. യാത്രക്കാര്‍ പൊലിസില്‍ പരാതി നല്‍കി. പൊള്ളാച്ചി തൃശൂര്‍, ഗോവിന്ദാപുരം തൃശൂര്‍ റൂട്ടില്‍ സര്‍വീസ് നടത്തുന്ന ബസുകളാണ് സമയത്തെച്ചൊല്ലി കൊല്ലങ്കോട് ബസ്റ്റാന്റില്‍തര്‍ക്കമുണ്ടായത്.തര്‍ക്കത്തിനിടെ ഒരു ബസ് മറ്റൊരു ബസിനു കുറുകെ നിര്‍ത്തിയിട്ടത് ബസുകള്‍ക്ക് കടക്കാന്‍ സാധിക്കാത്ത അവസ്ഥയുണ്ടാക്കി. ബസ് ജീവനക്കാര്‍ തമ്മിലുണ്ടായ തര്‍ക്കം ഉച്ചത്തിലെത്തിയതോടെരണ്ടു ബസുകളിലുമുള്ള യാത്രക്കാര്‍ പൊലിസില്‍ വിവരം അറിയിക്കുകയാണുണ്ടായത്.കൊല്ലങ്കോട് പൊലിസ് ബസ്റ്റാന്റിലെത്തി ഗതാഗത തടസമുണ്ടാക്കിയ ബസിനെ യാത്രക്കാരെ മറ്റു പിടിച്ചിടുകയാണുണ്ടായത്.
തുടര്‍ന്ന് സര്‍ക്കിള്‍ ഇന്‍സ്‌പെക്ടര്‍ ബെന്നിയുടെ നേതൃത്വത്തില്‍ ചര്‍ച്ച നടത്തി പ്രശ്‌നം പരിഹരിച്ചതായി പോലീസ് പറഞ്ഞു . ഒന്നും രണ്ടും മിനിറ്റുകള്‍ വ്യത്യാസത്തില്‍ ബസുകള്‍ സര്‍വീസ് നടത്തുന്നതാണ് പ്രശ്‌നങ്ങള്‍ക്ക് കാരണമായത്. ഇടക്കിടെ കൊല്ലങ്കോട്, നെന്മാറ ,വടക്കഞ്ചേരി പ്രദേശങ്ങളില്‍ സമയക്രമീകരണം പാലിക്കാത്തതിനാല്‍ വാറുണ്ടെങ്കിലും കൃത്യമായി പ്രശ്‌നം പരിഹരിക്കുവാന്‍ മോട്ടോര്‍ വാഹന വകുപ്പ് തയ്യാറാകുന്നില്ലെന്ന് നാട്ടുകാര്‍ ആരോപിച്ചു.
കൊല്ലങ്കോട്, നെന്മാറ ,വടക്കഞ്ചേരി എന്നീ പ്രദേശങ്ങളില്‍ പൊലിസിന്റെ നേതൃത്വത്തില്‍ ബസുകള്‍ക്ക് ഇലക്ട്രോണിക് പഞ്ചിങ്ങ് സംവിധാനം സ്ഥാപിക്കുകയും സമയ പ്രശ്‌നവുമായി ബസപ്പെട്ട് ഗതാഗത വകുപ്പ് പൊലിസ്, ജനപ്രതിനിധി എന്നിവരുമായി ചര്‍ച്ച നടത്തുമെന്ന് യാത്രക്കാര്‍ ആവശ്യപ്പെട്ടു.