കണ്ണൂര്‍: ദേശീയപാത ധര്‍മശാലയില്‍ ഒരാളുടെ മരണത്തിനിടയാക്കിയ പിക്അപ് വാന്‍ അപകടത്തില്‍ രക്ഷാപ്രവര്‍ത്തനം നടത്തിയ വിദ്യാര്‍ഥിയുടെ ലാപ്‌ടോപും ബാഗും മോഷണം പോയി. ഇന്നലെ പുലര്‍ച്ചെയോടെയായിരുന്നു അപകടം. നിഫ്റ്റ് വിദ്യാര്‍ഥിയും യു. പി സ്വദേശിയുമായ രോഹിത് സിങിന്റെ ബാഗാണ് നഷ്ടപ്പെട്ടത്. ഡല്‍ഹിയില്‍ നിന്നു പുലര്‍ച്ചെ കണ്ണൂര്‍ റെയില്‍വേ സ്റ്റേഷനിലെത്തി ടാക്‌സിയില്‍ ധര്‍മശാലയിലെത്തിയപ്പോഴാണ് അപകടം ശ്രദ്ധയില്‍പ്പെട്ടത്. തുടര്‍ന്ന് രക്ഷാപ്രവര്‍ത്തനത്തിനു സഹായിക്കുകയായിരുന്നു. കാറിനുള്ളില്‍ വച്ചാണ് ബാഗും ലാപ്‌ടോപും കവര്‍ന്നതെന്ന് രോഹിത് ടൗണ്‍ സ്‌റ്റേഷനില്‍ നല്‍കിയ പരാതിയില്‍ പറയുന്നു.