പയ്യന്നൂര്‍: പാലക്കോട് ഖിദ്മത്തുല്‍ ഇസ്‌ലാം മദ്‌റസയില്‍ മൂന്നു ദിവസങ്ങളിലായി നടന്നുവന്ന ജില്ലാ ജംഇയ്യത്തുല്‍ മുഅല്ലിമീന്‍ 14ാമത് ഇസ്‌ലാമിക കലാമേളയില്‍ 482 പോയിന്റ് നേടി കണ്ണൂര്‍ മേഖല ചാംപ്യന്‍മാരായി. 478 പോയിന്റ് നേടി ഇരിട്ടി മേഖലയ്ക്കാണ് രണ്ടാംസ്ഥാനം. 457 പോയിന്റ് നേടി പയ്യന്നൂര്‍ മേഖല മൂന്നാംസ്ഥാനം നേടി. മുഅല്ലിം ഫെസ്റ്റില്‍ 146 പോയിന്റ് നേടി കണ്ണൂര്‍ മേഖല ഒന്നാംസ്ഥാനവും 106 പോയിന്റുമായി ഇരിട്ടി മേഖല രണ്ടാംസ്ഥാനവും കരസ്ഥമാക്കി.
ജൂനിയര്‍ വിഭാഗം കലാപ്രതിഭയായി തൂവക്കുന്ന് റെയിഞ്ച് മഅ്ദനുല്‍ ഉലൂം മദ്‌റസയിലെ മുഹമ്മദ് സാബിത്ത് അഷ്‌റഫിനെയും സീനിയര്‍ വിഭാഗം കലാപ്രതിഭയായി തളിപ്പറമ്പ് റെയിഞ്ച് ഖുവ്വത്തുല്‍ ഇസ്‌ലാം മദ്‌റസയിലെ സി.കെ മുഹമ്മദ് സുജൈദിനെയും സൂപ്പര്‍ സീനിയര്‍ വിഭാഗം കലാപ്രതിഭയായി കൂത്തുപറമ്പ് റെയിഞ്ച് കിണവക്കല്‍ മദ്‌റസയിലെ പി.പി മുഹമ്മദ് അസ്ഫാനെയും തെരഞ്ഞെടുത്തു. സയ്യിദ് ഹാരിസലി ശിഹാബ് തങ്ങള്‍ ഓവറോള്‍ ചാംപ്യന്‍ഷിപ്പ് വിതരണം ചെയ്തു.
മുഅല്ലിം ചാംപ്യന്‍ഷിപ്പ് നൗഫല്‍ അലി ശിഹാബ് തങ്ങളും കലാപ്രതിഭ പുരസ്‌കാരം സയ്യിദ് കെ.പി.പി തങ്ങളും സമ്മാനദാനം മുഹമ്മദ് ബ്‌നു ആദവും സര്‍ട്ടിഫിക്കറ്റ് വിതരണം അബ്ദുറഹ്മാന്‍ ദാരിമിയും നിര്‍വഹിച്ചു.