കണ്ണൂര്‍: ജിഷ്ണു പ്രണോയിയുടെ അമ്മയ്ക്കും കുടുംബത്തിനും തിരുവനന്തപുരത്തെ പൊലിസ് ആസ്ഥാനത്ത് അതിക്രമം നടത്തിയതില്‍ പ്രതിഷേധിച്ച് യൂത്ത് കോണ്‍ഗ്രസ്, കെ.എസ്.യു പ്രവര്‍ത്തകര്‍ കണ്ണൂര്‍ നഗരത്തില്‍ പ്രകടനം നടത്തി. പ്രകടനത്തിനിടെ കസ്റ്റംസ് വാഹനം ആക്രമിച്ചു.
ഇന്നലെ വൈകുന്നേരം ആറോടെ ഗാന്ധി സര്‍ക്കിളിനു സമീപമായിരുന്നു സംഭവം.
ഡി.ജി.പിയുടെ കോലവുമായി താവക്കരയിലെ ഐ.ജി ഓഫിസിലേക്കു നടത്തിയ പ്രകടനത്തിനിടെയാണു പ്രവര്‍ത്തകര്‍ മുന്നിലൂടെ പോയ കസ്റ്റംസിന്റെ ബൊലേറോ വാഹനം തകര്‍ത്തത്. തുടര്‍ന്നു ഐ.ജി ഓഫിസിനു മുന്നിലെത്തി പ്രവര്‍ത്തകര്‍ ഡി.ജി.പിയുടെ കോലംകത്തിച്ചു.
ഇരുപത്തിയഞ്ചോളം പ്രവര്‍ത്തകരാണു പ്രകടനത്തിലുണ്ടായിരുന്നത്. സംഭവവുമായി ബന്ധപ്പെട്ട് ഏഴു യൂത്ത് കോണ്‍ഗ്രസ്, കെ.എസ്.യു പ്രവര്‍ത്തകരെ ടൗണ്‍ പൊലിസ് അറസ്റ്റുചെയ്തു.