ജിദ്ദ: ഇനി മുതല്‍ അഞ്ചു ലിറ്ററിന്റെ സംസം ബോട്ടിലുകള്‍ മാത്രമേ വിതരണം ചെയ്യുകയുള്ളൂ എന്ന് അധികൃതര്‍ അറിയിച്ചു. നേരത്തെ സംസം വിതരണ കേന്ദ്രത്തില്‍ 10 ലിറ്റര്‍ സംസം ബോട്ടിലുകളായിരുന്നു ലഭ്യമായിരുന്നത്.

ജിദ്ദ, മദീന എയര്‍പോര്‍ട്ടുകളില്‍ അഞ്ചു ലിറ്ററിന്റെ ബോട്ടിലുകള്‍ നേരത്തെ തന്നെ ലഭ്യമാണ്. തീര്‍ഥാടകര്‍ തെരുവ് കച്ചവടക്കാരില്‍ നിന്ന് വാങ്ങുന്നത് ഒഴിവാക്കി മക്കയിലെ സംസം പ്രൊജക്റ്റില്‍ നിന്നോ ജിദ്ദ, മദീന എയര്‍പോര്‍ട്ടുകളില്‍ നിന്നോ സംസം ബോട്ടിലുകള്‍ വാങ്ങണമെന്ന് അധികൃതര്‍ അറിയിച്ചു.