കൊണ്ടോട്ടി: കനത്ത മഴയില്‍ കരിപ്പൂര്‍ വിമാനത്താവളത്തില്‍ മൂന്ന് വിമാനങ്ങള്‍ ലാന്റിംഗ് തടസ്സപ്പെട്ട് നെടുമ്പാശ്ശേരിയിലേക്ക് തിരിച്ചുവിട്ടു.

ബുധനാഴ്ച രാത്രി ഒമ്പതിനും വ്യാഴാഴ്ച പുലര്‍ച്ചെ രണ്ടരക്കും ഇടയില്‍ കരിപ്പൂരില്‍ എത്തേണ്ടിയിരുന്ന എയര്‍ ഇന്ത്യ എക്‌സ്പ്രസിന്റെ അല്‍-ഐന്‍-കേരിപ്പൂര്‍, ദോഹ-കരിപ്പൂര്‍, ഒമാന്‍ എയറിന്റെ മസ്‌കത്ത്-കരിപ്പൂര്‍ വിമാനങ്ങളാണ് തിരിച്ചുവിട്ടത്.

ഇവ വ്യാഴാഴ്ച രാവിലെയോടെയാണ് കരിപ്പൂരില്‍ തിരിച്ചെത്തി സര്‍വീസുകള്‍ നടത്തി.

മഴയില്‍ പളളിക്കല്‍ പഞ്ചായത്തിന്റെ വിവിധ ഭാഗങ്ങളിലായി നാലിടത്ത് ചുറ്റുമതില്‍ തകര്‍ന്നു. ഒരു ഭാഗത്ത് താല്‍ക്കാലികമായി ചുറ്റുവേലി സ്ഥാപിച്ചു. മറ്റിടങ്ങളില്‍ ഉടന്‍ നടപടി സ്വീകരിക്കുമെന്ന് അതോറിറ്റി അറിയിച്ചു.