അതിരമ്പുഴ : കേന്ദ്ര യുവജനക്ഷേമ കായിക വകുപ്പിന്റെ ദേശീയ യുവജന നേതൃത്വ പരിപാടി (ചഥഘജ)അവാര്‍ഡ് കോളജുകള്‍ക്ക് വിതരണം ചെയ്തു. മഹാത്മാഗാന്ധി സര്‍വ്വകലാശാലയ്ക്ക് കീഴിലുള്ള എരുമേലി എം.ഇ.എസ് കോളജ്, ആലുവ സെന്റ് സേവിയേഴ്‌സ് കോളജ് ഫോര്‍ വുമന്‍, കോന്നിഎസ് എന്‍ ഡി പി ആര്‍ട്ട്‌സ് ആന്‍ഡ് നയന്‍സ് കോളജ് , കോട്ടയം ബി.സി.എം കോളേജ്, അമലഗിരി ബി കെ കോളജ് എന്നിവര്‍ യഥാക്രമം ഒന്നും രണ്ടും മൂന്നും നാലും അഞ്ചും സ്ഥാനത്തിന് അര്‍ഹരായി.
2015-16 വര്‍ഷത്തെ എന്‍.എസ്എസ് പ്രവര്‍ത്തനങ്ങളുടെ മികവ് പരിഗണിച്ചാണ് അവാര്‍ഡ്‌നല്‍കിയത്. യഥാക്രമം 50000, 40000, 35000, 30000, 25000 രൂപയും ശില്‍പവും പ്രശസ്തി പത്രവുമാണ് പുരസ്‌ക്കാരം. ഉദ്ഘാടനവും അവാര്‍ഡ് ദാനവും ബഹു.വൈസ് ചാന്‍സലര്‍,ഡോ.ബാബു സെബാസ്റ്റ്യന്‍ നിര്‍വ്വഹിച്ചു. സിന്‍ഡിക്കേറ്റ് അംഗം ഡോ. അജി സി പണിക്കര്‍ അധ്യക്ഷനായി. സംസ്ഥാന എന്‍.എസ്.എസ് ഓഫിസര്‍ ഡോ. കെ സാബുക്കുട്ടന്‍ ആമുഖ പ്രഭാഷണം നടത്തി. ക്യാമ്പസ് യൂണിറ്റ് പ്രോഗ്രാം ഓഫിസര്‍ റിന്‍സിമോള്‍ മാത്യു,എരുമേലി എം.ഇ.എസ് കോളജ് പ്രിന്‍സിപ്പല്‍ ഡോ.എം എ മാഹീന്‍ , ആലുവ സെന്റ് സേവിയേഴ്‌സ് കോളേജിലെ പ്രോഗ്രാം ഓഫീസര്‍ ഡോ. രശ്മിവര്‍ഗീസ് സംസാരിച്ചു.