വേങ്ങര: യു.ഡി.എഫ് സ്ഥാനാര്‍ഥി പി.കെ കുഞ്ഞാലിക്കുട്ടി വേങ്ങരയില്‍ രണ്ടാംഘട്ട തെരഞ്ഞെടുപ്പ് പര്യടനം നടത്തി. രാവിലെ 9.30ന് വേങ്ങര പഞ്ചായത്തിലെ പാക്കടപ്പുറായയില്‍ നിന്നും ആരംഭിച്ചു. തുടര്‍ന്ന് കച്ചേരിപ്പടി, പുത്തനങ്ങാടി, പാണ്ടികശാല, കൂരിയാട് എന്നിവിടങ്ങളില്‍ വോട്ടര്‍മാരെ കണ്ട് വോട്ടഭ്യര്‍ഥിച്ചു. എ.ആര്‍.നഗര്‍ പഞ്ചായത്തില്‍ കൊളപ്പുറം, വി.കെ.പടി, മമ്പുറം, പുകയൂര്‍, ചെണ്ടപ്പുറായ, കക്കാടംപുറം, കുന്നുംപുറം, കണ്ണമംഗലം പഞ്ചായത്തിലെ തോട്ടശ്ശേരിയറ, ചെങ്ങാനി, വാളക്കുട, വട്ടപ്പൊന്ത, മേമാട്ടുപ്പാറ, അച്ചനമ്പലം എന്നിവിടങ്ങളിലും സ്ഥാനാര്‍ഥി വോട്ടഭ്യര്‍ഥിച്ചു സംസാരിച്ചു.
വിവിധ കേന്ദ്രങ്ങളില്‍ മുന്‍മന്ത്രി പി.കെ അബ്ദുറബ്ബ്, കെ.പി.സി.സി സെക്രട്ടറി കുഞ്ഞിക്കണ്ണന്‍, സെബാസ്റ്റ്യന്‍, വര്‍ക്കല കഹാര്‍, യു.സി രാമന്‍, പി.എം.എ സലാം, അഡ്വ. മറിയുമ്മ, എ.പി ഉണ്ണികൃഷ്ണന്‍, സുഹ്‌റ മമ്പാട്, സി.പി ബാവ ഹാജി, സി.കെ അബ്ദുറഹ്മാന്‍, എ.കെ.എ നസീര്‍, വെട്ടം ആലിക്കോയ, പി.കെ കുഞ്ഞു, ജയന്തിരാജന്‍, എം.എം കുട്ടി മൗലവി, ടി.കെ മൊയ്തീന്‍ കുട്ടി തുടങ്ങിയവര്‍ സംസാരിച്ചു.