ഹൈദരാബാദ്: ഐ.പി.എല്ലിന്റെ പത്താം പതിപ്പിലെ ആദ്യ ജയം ഹൈദരാബാദിന്. 35 റണ്‍സിനാണ് സൂര്യന്‍മാര്‍ വിജയിച്ചത്. ഹൈദരാബാദ് ഉയര്‍ത്തിയ 208 റണ്‍സെന്ന കൂറ്റന്‍ വിജയലക്ഷ്യം പിന്തുടര്‍ന്ന ബാംഗ്ലൂര്‍ 172 റണ്‍സിന് കൂടാരം കയറുകയായിരുന്നു.
ക്രിസ് ഗെയില്‍(32) മന്‍ദീപ് സിങ്(24) ട്രാവിസ് ഹെഡ്(30) കേദാര്‍ ജാദവ്(31) എന്നിവര്‍ക്ക് മികച്ച തുടക്കം കിട്ടിയിട്ടും മുതലാക്കാന്‍ സാധിച്ചില്ല. സച്ചിന്‍ ബേബി(1) സ്റ്റ്യുവര്‍ട്ട് ബിന്നി(11) എന്നിവര്‍ തീര്‍ത്തും നിരാശപ്പെടുത്തി. ഹൈദരാബാദിനായി ആശിഷ് നെഹ്‌റ, ഭുവനേശ്വര്‍ കുമാര്‍, റാഷിദ് ഖാന്‍, എന്നിവര്‍ രണ്ടു വിക്കറ്റ് വീതം വീഴ്ത്തി. നേരത്തെ ടോസ് നേടിയ ബാംഗ്ലൂര്‍ ഹൈദരാബാദിനെ ബാറ്റിങിന് അയക്കുകയായിരുന്നു. യുവരാജ് സിങ്(62) മോയ്‌സസ് ഹെന്റിക്‌സ്(52) ശിഖര്‍ ധവാന്‍(40) എന്നിവരുടെ ബാറ്റിങ് മികവിലാണ് ഹൈദരാബാദ് കൂറ്റന്‍ സ്‌കോര്‍ സ്വന്തമാക്കിയത്.