ആലപ്പുഴ: ആലപ്പുഴ വയലാറില്‍ പ്ലസ് ടു വിദ്യാര്‍ത്ഥി അനന്തുവിനെ മര്‍ദ്ദിച്ച് കൊന്ന കേസില്‍ കസ്റ്റഡിയിലുള്ള ആര്‍.എസ്.എസ്, ബി.ജെ.പി പ്രവര്‍ത്തകരുടെ അറസ്റ്റ് പൊലിസ് ഇന്ന് രേഖപ്പെടുത്തും. സംഭവവുമായി ബന്ധപ്പെട്ട് പത്തു പേരെ പൊലിസ് കസ്റ്റഡിയിലെടുത്തിട്ടുണ്ട്.

വയലാര്‍ നീലമംഗലം കളപുര നികര്‍ത്തില്‍ അശോകന്റെ മകന്‍ അനന്തു(18)വിനെയാണ് ആര്‍.എസ്.എസുകാര്‍ അടിച്ചുകൊന്നത്.

നീലിമംഗലം രാജരാജേശ്വരി ക്ഷേത്രോത്സവം കഴിഞ്ഞു മടങ്ങവേയാണ് അനന്തുവിനുനേരെ ആര്‍.എസ്.എസ് സംഘത്തിന്റെ ആക്രമണം ഉണ്ടായത്. ബുധനാഴ്ച അര്‍ധരാത്രിയോടെയായിരുന്നു സംഭവം. 20 പേരടങ്ങുന്ന സംഘം മരക്കമ്പുകൊണ്ട് അനന്തുവിനെ അടിച്ചുകൊല്ലുകയായിരുന്നു.

കൊലപാതകത്തില്‍ പ്രതിഷേധിച്ച് എല്‍.ഡി.എഫും യു.ഡി.എഫും ഇന്ന് ആലപ്പുഴയില്‍ ഹര്‍ത്താല്‍ ആചരിക്കുകയാണ്.