മുംബൈ: ഇന്ത്യാ-പാക് സംഘര്‍ഷത്തിന്റെ പശ്ചാത്തലത്തില്‍ മുംബൈ മെട്രോയ്ക്കും അതിജാഗ്രതാ നിര്‍ദേശം. മുംബൈ മെട്രോയ്ക്ക് 12 സ്റ്റേഷനുകളാണ് ഉള്ളത്. ഇവയിലെല്ലാം സുരക്ഷ ശക്തമാക്കിയിട്ടുണ്ട്.

കഴിഞ്ഞ ദിവസം ഡല്‍ഹി മെട്രോയിലും സുരക്ഷ ശക്തമാക്കിയിരുന്നു. രഹസ്യാന്വേഷണ വിഭാഗത്തിന്റെ മുന്നറിയിപ്പിന്റെ പശ്ചാത്തലത്തില്‍ മുംബൈ മെട്രോയില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്. വര്‍സോവ-അന്ധേരി-ഘട്‌കോപ്പര്‍ മെട്രോ ഇടനാഴി എന്നുപറയുന്നത് 11.5 കി.മീറ്ററാണ്. 12 സ്റ്റേഷനുകളാണ് ഇതിന്റെ പരിധിയില്‍ വരുന്നത്. ഇതിനു പുറമെ മുംബൈ നഗരത്തില്‍ സുരക്ഷ ശക്തമാക്കിയതായി മുഖ്യമന്ത്രി ദേവേന്ദ്ര ഫഡ്‌നവിസ് അറിയിച്ചു.