സ്റ്റോക്ക്‌ഹോം: സ്വീഡനിലെ തെരുവിലേക്ക് ട്രക്ക് ഓടിച്ചുകയറ്റിയുണ്ടായ ആക്രമണ സ്ഥലത്ത് നിന്ന് ഇന്ത്യന്‍ എംബസി ഉദ്യോഗസ്ഥര്‍ രക്ഷപ്പെട്ടത് തലനാരിഴയ്ക്ക്. ലോറി കയറിച്ചെന്നത് ഇന്ത്യന്‍ എംബസി സ്ഥിതി ചെയ്യുന്നതിന്റെ തൊട്ടടുത്താണ്. ഇതിന്റെ ശബ്ദം കേട്ട ഉദ്യോഗസ്ഥര്‍ ഓടിരക്ഷപ്പെടുകയായിരുന്നു.

താന്‍ വലിയ ശബ്ദം കേട്ടുവെന്നും രണ്ടുപേരെ മരിച്ചുകിടക്കുന്നതായും കുറച്ചുപേരെ പരുക്കേറ്റു കിടക്കുന്നതായും കണ്ടതായി ഇന്ത്യന്‍ അംബാസിഡര്‍ മോണിക്ക മൊഹ്ത പറഞ്ഞു.

സ്ഥലത്തെ റെയില്‍പാതകളും മറ്റും താല്‍ക്കാലികമായി അടച്ചിട്ടതായും അവര്‍ പറഞ്ഞതായി വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു.