കക്കട്ടില്‍: വോയ്‌സ് ഓഫ് കണ്ടോത്ത്കുനി വാട്‌സ്ആപ്പ് ഗ്രൂപ്പില്‍ ലീഗിനെതിരേ മോശം പരാമര്‍ശം നടത്തിയതിനെതിരേ കണ്ടോത്ത്കുനിയില്‍ കോണ്‍ഗ്രസ്-ലീഗ് പ്രവര്‍ത്തകര്‍ ഏറ്റുമുട്ടി. പരുക്കേറ്റ പുത്തന്‍പീടിക ബഷീര്‍, ചെറിയ പാലോത്ത് അമ്മത്, റഹീസ്, അന്‍വര്‍ പുത്തന്‍പീടിക, ജഹാംഗീര്‍ എന്നിവരെ കുറ്റ്യാടി താലൂക്ക് ഗവ. ആശുപത്രിയിലും പുതിയെടുത്ത് മുഹമ്മദ്, ചേരുള്ളപറമ്പത്ത് നൗഫല്‍, തൈക്കണ്ടി ഷറഫു എന്നിവരെ നാദാപുരം ഗവ. ആശുപത്രിയിലും പ്രവേശിപ്പിച്ചു. പാറക്കല്‍ അബ്ദുല്ല എം.എല്‍.എ മാസ്‌ക് ധരിച്ച് നിയമസഭയിലെത്തിയതിനെതിരേ വാട്‌സ്ആപ്പ് ഗ്രൂപ്പില്‍ നടത്തിയ പരാമര്‍ശമാണ് സംഘട്ടനത്തില്‍ കലാശിച്ചത്.