കാബൂള്‍: അഫ്ഗാന്‍ തലസ്ഥാനമായ കാബൂളിലുണ്ടായ ചാവേര്‍ സ്‌ഫോടനത്തില്‍ കുറഞ്ഞത് മൂന്നുപേര്‍ കൊല്ലപ്പെട്ടു. 15ലേറെ പേര്‍ക്കു പരുക്കേറ്റു. ഇന്നലെ രാവിലെയായിരുന്നു സംഭവം. അഫ്ഗാന്‍ സ്‌പെഷന്‍ ഫോഴ്‌സിന്റെ കാബൂളിലെ താവളം ലക്ഷ്യമാക്കിയായിരുന്നു ആക്രമണം നടന്നത്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല.

തങ്ങളുടെ പ്രവര്‍ത്തകര്‍ ആക്രമണത്തിനു പിന്നിലുണ്ടോയെന്ന് അന്വേഷിക്കുമെന്നു വ്യക്തമാക്കി താലിബാന്‍ രംഗത്തെത്തിയിട്ടുണ്ട്.