മണ്ണാര്‍ക്കാട്: ആശ്പത്രിക്കിടക്കിയില്‍ കിടന്ന് നടത്തിയ പ്രാര്‍ഥന സഫലമായി. എസ്.എസ്.എല്‍.സി സേ പരീക്ഷയില്‍ എട്ട് പേപ്പറുകളില്‍ സമ്പൂര്‍ണ എപ്ലസ് നേടി അക്ഷയ് കെ.എസ് നേടിയത് അപകടത്തെ പിറകിലാക്കുന്ന വിജയം.
കുമരംപുത്തൂര്‍ കല്ലടി ഹൈസ്‌കൂളിലെ വിദ്യാര്‍ഥിയാണ് അക്ഷയ്. മാര്‍ച്ച് മാസത്തില്‍ തുടങ്ങിയ എസ്.എസ്.എല്‍.സി പരീക്ഷയില്‍ രണ്ട് പരീക്ഷ മാത്രമാണ് എഴുതാനായത്.
അടുത്ത പരീക്ഷക്ക് തയ്യാറാവുന്നതിനിടെയാണ് ബൈക്കപകടത്തില്‍ മുഖത്തിന് പരുക്കറ്റത്. എട്ട് പരീക്ഷ എഴുതാന്‍ ഡി.ഡി.ഇയുടെ പ്രത്യേക അനുമതിയോടെയാണ് അക്ഷയ് പരീക്ഷ എഴുതിയത്.
അക്ഷയ്‌യുടെ ദൃഢനിശ്ചയവും അധ്യാപകരുടേയും രക്ഷിതാക്കളുടെയും പിന്തുണയുമാണ് സമ്പൂര്‍ണ എപ്ലസ് നേടാനായത്. തിരുവിഴാംകുന്ന് ഫാം ജീവനക്കാരനായ കാപ്പാട് സുരേഷ് കുമാര്‍ -രജനി ദമ്പതികളുടെ മകനാണ്. സ്‌കൂളില്‍ നടന്ന ചടങ്ങില്‍ വിദ്യാര്‍ഥിയെ പ്രത്യേകം അനുമോദിച്ചു.