കാലടി:അങ്കമാലി നിയോജക മണ്ഡലത്തിലെ വിവിധ റോഡുകളുടെ റീടാറിങ്ങിനും, അറ്റകുറ്റപണികള്‍ക്കും പൊതുമരാമത്തു വകുപ്പ് ടാര്‍ നല്‍കാത്തത് നിര്‍മാണ പ്രവര്‍ത്തനങ്ങളെ പ്രതികൂലമായി ബാധിക്കുന്നുവെന്ന് റോജി എം.ജോണ്‍ എം.എല്‍.എ ആരോപിച്ചു.വിവിധ റോഡുകളുടെ റീടാറിങ്ങിനും,അറ്റകുറ്റപണികള്‍ക്കും 8 കോടി 20 ലക്ഷം രൂപയാണ് എം.എല്‍.എയുടെ അഭ്യര്‍ത്ഥനപ്രകാരം പൊതുമരാമത്ത്  വകുപ്പ് അനുവദിച്ചത്. ഇതില്‍ ഭൂരിഭാഗം പ്രവര്‍ത്തികളുടെയും ടെന്‍ഡര്‍ നടപടികള്‍ പൂര്‍ത്തീകരിച്ചെങ്കിലും പൊതുമരാമത്ത് വകുപ്പ് ടാര്‍ നല്‍കാത്തതുകൊണ്ട് കരാറുകാര്‍ നിര്‍മാണപ്രവര്‍ത്തനങ്ങള്‍ ആരംഭിക്കാന്‍ സാധിക്കാതെ വലയുകയാണ്.
മലയാറ്റൂര്‍ തീര്‍ത്ഥാടനവുമായി ബന്ധപ്പെട്ട് സമീപ്രദേശങ്ങളുടെ റോഡുകളുടെ നവീകരണത്തിനും, റീടാറിങ്ങിനുമായി പൊതുമരാമത്ത്  വകുപ്പ് 1 കോടി രൂപ അനുവദിച്ചിരുന്നുവെങ്കിലും ഈ റോഡുകളുടെയും പണി പൂര്‍ത്തീകരിക്കുവാന്‍ കഴിയാത്ത സാഹചര്യമാണ്. മലയാറ്റൂര്‍തേക്കുംതോട്ടംആറാട്ടു കടവുഷണ്‍മുഖപുരം റോഡ്, നടുവട്ടംമലയാറ്റൂര്‍ റോഡ്, ചുള്ളിഏടലക്കാട് റോഡ്, തുറവൂര്‍ ആനപ്പാറപൂതംകുറ്റി റോഡ്,കറുകുറ്റി അഴകം റോഡ് മുതലായ പ്രധാനപ്പെട്ട റോഡുകളുടെ നിര്‍മാണ പ്രവര്‍ത്തനങ്ങള്‍ ഇത്തരത്തില്‍ അവതാളത്തിലായിരിക്കുകയാണ്.വിവിധ പഞ്ചായത്തുകളും ടാര്‍ ലഭ്യമാകാത്തതുമൂലം റോഡുകളുടെ നിര്‍മ്മാണ പ്രവര്‍ത്തനങ്ങള്‍ നടത്താന്‍ കഴിയാത്ത അവസ്ഥയിലാണ്.