വടക്കാഞ്ചേരി : റിട്ടയേര്‍ഡ് അധ്യാപികയെ വീടിനുള്ളില്‍ മരിച്ച നിലയില്‍ കണ്ടെത്തിയ സംഭവത്തില്‍ ദുരൂഹത. പാഞ്ഞാള്‍ ഗവ.ഹൈസ്‌കൂളിലെ അധ്യാപികയായിരുന്ന വെള്ളറോട്ടില്‍ ശോഭന ( 62 )യുടെ മൃതദേഹമാണ് വീടിനുള്ളില്‍ കണ്ടെത്തിയത്.

വീട്ടില്‍ ഒറ്റയ്ക്കു താമസിച്ചിരുന്ന ഇവരെ മൂന്നു ദിവസമായി പുറത്തേക്ക് കാണാത്തതിനെ തുടര്‍ന്ന് സമീപ വാസികള്‍ എത്തി അന്വേഷണം നടത്തിയപ്പൊഴാണ് മരിച്ച നിലയില്‍ കണ്ടെത്തിയത്. മൃതദേഹത്തിന് മൂന്ന് ദിവസത്തെ പഴക്കമുണ്ടെന്നാണ് പ്രാഥമിക നിഗമനം. മൂക്കില്‍ നിന്ന് ചോര വാര്‍ന്ന നിലയിലാണ്. ചെറുതുത്തി പൊലിസ് തുടര്‍നടപടികള്‍ സ്വീകരിച്ചു.