കാസര്‍കോട്: കൊവിഡ് 19 സ്ഥിരീകരിച്ച കാസര്‍കോട്ടെ ദൃശ്യമാധ്യമ പ്രവര്‍ത്തകന്റെ സമ്പര്‍ക്ക പട്ടികയില്‍ രണ്ട് ഐ.ജിമാരും എം.എല്‍.എയും. ഐ ജി വിജയ് സാഖറെ, അശോക് യാദവ്, മഞ്ചേശ്വരം എംഎല്‍എ എം.സി ഖമറുദീനുമാണ് സമ്പര്‍ക്ക പട്ടികയിലുള്ളത്.
ഈമാസം 18 ന് മാധ്യമപ്രവര്‍ത്തകന്‍ എം.സി ഖമറുദീനെ കണ്ടിരുന്നു. രണ്ട് ദിവസം പൊതുപരിപാടികളില്‍ പങ്കെടുക്കരുതെന്ന് എം.എല്‍.എയോട് നിര്‍ദ്ദേശിച്ചിട്ടുണ്ട്.

രണ്ട് ദിവസം കൂടെ കഴിയുന്നതോടെ 14 ദിവസം കഴിയും. അതുകൊണ്ട് എംഎല്‍എക്ക് ക്വാറന്റൈന്‍ നിര്‍ദ്ദേശമില്ല. 14 ദിവസം മുമ്പാണ് മാധ്യമപ്രവര്‍ത്തകന്‍ ഐ.ജിമാരെ കണ്ടത്. അതിനാല്‍, ഐജിക്കും ക്വാറന്റൈന്‍ നിര്‍ദ്ദേശമില്ല. ഇരുവരും സ്രവപരിശോധനക്ക് സാമ്പിള്‍ നല്‍കിയിട്ടുണ്ട്. അതേസമയം വിജയ് സാഖറെ പരിശോധന ഫലം വരുന്നത് വരെ സ്വയം ക്വാറന്റൈനില്‍ തുടരും. കണ്ണൂരിലാണ് വിജയ് സാഖറെ ക്വാറന്റൈയിനില്‍ പോയത്.