ന്യൂയോര്‍ക്ക്: കൊവിഡ് 19 ബാധിച്ച് അമേരിക്കയില്‍ മൂന്ന് മലയാളികള്‍ കൂടി മരിച്ചു. കൊട്ടാരക്കര സ്വദേശിയും മാര്‍ത്തോമാ വൈദികനുമായ എം. ജോണ്‍, കൊല്ലം കുണ്ടറ പുന്നമുക്ക് സ്വദേശി ഗീവര്‍ഗീസ് എം പണിക്കര്‍ എന്നിവര്‍ ഫിലാഡല്‍ഫിയയിലും പാല സ്വദേശി സുധീഷിന്റെ മകന്‍ എട്ട് വയസുകാരന്‍ അദ്വൈത് ന്യൂയോര്‍ക്കിലുമാണ് മരിച്ചത്.

രണ്ട് ദിവസം മുന്‍പാണ് അദ്വൈതിനെ ആശുപത്രിയില്‍ പ്രവേശിപ്പത്. കൊട്ടാരക്കരയില്‍ ഏറെ നാളായി വൈദികനായി സേവനം അനുഷ്ടിച്ചിരുന്ന വ്യക്തിയാണ് എം.ജോണ്‍. വിരമിച്ച ശേഷം അമേരിക്കയിലുള്ള മകന്റെ അടുത്ത് വിശ്രമജീവിതത്തിലായിരുന്നു.

ദീര്‍ഘനാളായി അമേരിക്കയില്‍ ടൂര്‍ ആന്റ് ട്രാവല്‍സ് നടത്തുന്ന വ്യക്തിയാണ് ഗീവര്‍ഗീസ് എം.പണിക്കര്‍.

ഇവരുടെ മൃതദേഹങ്ങള്‍ വിദേശത്ത് തന്നെ സംസ്‌കരിക്കാനാണ് തീരുമാനം.