ചെറുവണ്ണൂര്‍: കേരള മൃഗസംരക്ഷണ വകുപ്പിന് കീഴിലുളള പൗള്‍ട്രി ഡവലപ്പ്‌മെന്റ് കോര്‍പറേഷന്‍ നടപ്പിലാക്കി വരുന്ന 'കോഴിഗ്രാമം' പദ്ധതിയുടെ ഉദ്ഘാടനം ചെറുവണ്ണൂര്‍ പഞ്ചായത്തില്‍ മഠത്തില്‍ മുക്കില്‍ മൃഗസംരക്ഷണ മന്ത്രി അഡ്വ. കെ. രാജു നിര്‍വഹിച്ചു.
ചടങ്ങില്‍ ചെറുവണ്ണൂര്‍ പഞ്ചായത്ത് പ്രസിഡന്റ് കെ. പി. ബിജു അധ്യക്ഷനായി.  കെപ്‌കോ ചെയര്‍പേഴ്‌സണ്‍ ചിഞ്ചുറാണി മുഖ്യാതിഥിയായിരുന്നു.
പഞ്ചായത്തിലെ 660 ഗുണഭോക്താക്കള്‍ക്ക് അഞ്ചു വീതം കോഴിയും മരുന്നും തീറ്റയും ഈ പദ്ധതിയിലൂടെ ലഭ്യമാകും. പഞ്ചായത്ത്  വികസന സ്റ്റാന്‍ഡിങ് കമ്മിറ്റി ചെയര്‍മാന്‍ ബി.ബി ബിനീഷ് സ്വാഗതവും മുന്‍ ജില്ലാ പഞ്ചായത്ത് വൈസ് പ്രസിഡന്റ് ആര്‍.ശശി നന്ദിയും പറഞ്ഞു.