കൊല്ലം: കടയ്ക്കല്‍ ചിതറയില്‍ സി.പി എം പ്രവര്‍ത്തകന്‍ കുത്തേറ്റു മരിച്ചു. ചിതറ പഞ്ചായത്തില്‍ വളവുപച്ചയിലെ എ എം ബഷീറാണ് (70) കൊല്ലപ്പെട്ടത്. 9 കുത്തുകള്‍ ആണ് ശരീരത്തിലുള്ളത്. ഇതാണ് മരണ കാരണമെന്നു പറയുന്നു.
ശനിയാഴ്ച രാവിലെയാണ് സംഭവം. ഷാജഹാന്‍ എന്നയാള്‍ വീട്ടിനുള്ളില്‍ കയറി കുത്തിക്കൊലപ്പെടുത്തുകയായിരുന്നു വെന്നാണ് പരാതി. ഇയാളെ പൊലീസ് കസ്റ്റഡിയിലെടുത്തു. ഇയാള്‍ പ്രദേശത്തെ കോണ്‍ഗ്രസ് പ്രവര്‍ത്തകനാണെന്നും ചില കേസുകളില്‍ പ്രതിയാണെന്നും സി.പി.എം പ്രവര്‍ത്തകര്‍ പറഞ്ഞു.