തൊടുപുഴ:  കേരള സ്‌റ്റേറ്റ് യൂസ്ഡ് വെഹിക്കിള്‍ ഡീലേഴ്‌സ് ആന്‍ഡ് ബ്രോക്കേഴ്‌സ് അസോസിയേഷന്‍ തൊടുപുഴ താലൂക്ക് സമ്മേളനവും ഐഡി കാര്‍ഡ് വിതരണവും തിങ്കളാഴ്ച നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
തൊടുപുഴ വ്യാപാരഭവനില്‍ രാവിലെ 10.30ന് പി ജെ ജോസഫ് എം.എല്‍.എ സമ്മേളനം ഉദ്ഘാടനം ചെയ്യും. മുനിസിപ്പല്‍ ചെയര്‍പേഴ്‌സണ്‍ സഫിയ ജബ്ബാര്‍ ഐ.ഡി കാര്‍ഡ് വിതരണം ചെയ്യും. തൊടുപുഴ ഡി.വൈ.എസ്.പി എന്‍.എന്‍ പ്രസാദ് ബോധവല്‍ക്കരണ ക്ലാസെടുക്കും.
അസോസിയേഷന്‍ ഓഫിസിന്റെ ഉദ്ഘാടനം അസോസിയേഷന്‍ സംസ്ഥാന പ്രസിഡന്റ് എന്‍.എച്ച് കാജാഹുസൈന്‍ നിര്‍വഹിക്കും.
ഭാരവാഹികളായ അന്‍വര്‍ ബിലാല്‍, കെ.കെ നിഷാദ്, കെ യു ദിലാവര്‍, എ.പി ജയ്‌മോന്‍, ജോബിന്‍ സെബാസ്റ്റിയന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.