കല്‍പ്പറ്റ:വിദ്യാഭ്യാസ വകുപ്പിന് കീഴില്‍ ഇന്ത്യന്‍ റെഡ്‌ക്രോസ് (ജെ.ആര്‍.സി) നടത്തിയ സി.ലെവല്‍ പരീക്ഷയില്‍ മുട്ടില്‍ വയനാട് ഓര്‍ഫനേജ് വൊക്കേഷനല്‍ ഹയര്‍ സെക്കന്‍ഡറി സ്‌കൂളിന് മികച്ച വിജയം. ജെ.ആര്‍.സി സെക്കന്‍ഡറി തലത്തില്‍ ഉന്നത പരീക്ഷയായ സി.ലെവലില്‍ പങ്കെടുത്ത 17 വിദ്യാര്‍ഥികളും വിജയിച്ചു.
മൂന്ന് ആണ്‍ കുട്ടികളും 14 പെണ്‍കുട്ടികളുമാണ് വിജയിച്ചത്. ജേതാക്കള്‍ക്ക് സര്‍ട്ടിഫിക്കറ്റും എസ്.എസ്.എല്‍.സി പരീക്ഷക്ക് ഗ്രേസ് മാര്‍ക്കും ലഭിക്കും. ജേതാക്കളെ മുട്ടില്‍ വയനാട് ഓര്‍ഫനേജ് വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ പി.ടി.എ. അനുമോദിച്ചു. പ്രസിഡന്റ് യു ഇബ്രാഹിം അധ്യക്ഷനായി.
 പ്രിന്‍സിപ്പല്‍ പി.വി മൊയ്തു, ഹയര്‍ സെക്കന്‍ഡറി പ്രിന്‍സിപ്പല്‍ പി.എ ജലീല്‍, വൊക്കേഷനല്‍ ഹയര്‍ സെക്കന്‍ഡറി പ്രിന്‍സിപ്പല്‍ ബിനുമോള്‍, സ്റ്റാഫ് സെക്രട്ടറി എം.പി മുസ്തഫ, സീനിയര്‍ അസിസ്റ്റന്റ് പി.പി മുഹമ്മദ്, പി.യു മുംതാസ് സംസാരിച്ചു.