പേരാമ്പ്ര: എല്‍.ഡി.എഫ് സര്‍ക്കാരിന്റെ ആദ്യ ബജറ്റില്‍ പേരാമ്പ്രയുടെ അടിസ്ഥാന സൗകര്യങ്ങള്‍ വികസിപ്പിക്കുന്നതിനായി ഫണ്ട് അനുവദിച്ചതു പ്രതീക്ഷ നല്‍കുന്നു.
മണ്ഡലത്തിലെ പ്രധാന റോഡുകളുടെ പുനരുദ്ധാരണത്തിനാണ് ബജറ്റില്‍ ഫണ്ട് അനുവദിച്ചത്.
പേരാമ്പ്ര-പയ്യോളി റോഡിന് 25 കോടി, ചെറുവണ്ണൂര്‍ റോഡിന് 10 കോടി, പേരാമ്പ്ര ബൈപാസിന് 15 കോടി, മേപ്പയ്യൂര്‍-നെല്ല്യാടി-കൊല്ലം റോഡിന് 10 കോടി എന്നിങ്ങനെയാണ് ഇപ്പോള്‍ ഫണ്ട് അനുവദിച്ചിരിക്കുന്നത്. മണ്ഡലത്തിന്റെ ചരിത്രത്തില്‍ മന്ത്രിയാവുന്ന രണ്ടാമത്തെ ആളാണ് ഇപ്പോള്‍ വിജയിച്ച ടി.പി രാമകൃഷ്ണന്‍. ഇദ്ദേഹത്തിന്റെ ഇടപെടലുകള്‍ വരുംകാലങ്ങളില്‍ പേരാമ്പ്രയുടെ വികസന സ്വപ്നങ്ങള്‍ സാക്ഷാത്കരിക്കുന്നതിനു ശക്തി പകരുമെന്നാണു ജനങ്ങളുടെ പ്രതീക്ഷ. എന്നാല്‍, പേരാമ്പ്ര താലൂക്ക് ആശുപത്രി, മേപ്പയ്യൂര്‍ സര്‍ക്കാര്‍ ആശുപത്രി, പെരുവണ്ണാമൂഴി വിനോദ സഞ്ചാര കേന്ദ്രം, ആവളപാണ്ടി തുടങ്ങിയവയ്ക്ക് ഫണ്ട് അനുവദിക്കാത്തതു നിരാശയുണര്‍ത്തി.