ഗൂഡല്ലൂര്‍: ഹെല്‍മെറ്റ് ധരിക്കാതെ ബൈക്കിലെത്തിയ എസ്.ഐയെ കമന്റടിച്ചത് യാത്രക്കാരന് വിനയായി. ഹെല്മറ്റ് ധരിക്കാതെ ബൈക്ക് ഓടിച്ചതിനാണ് ബാലവാടിവളവ് റഫീഖിന് ചേരമ്പാടി സ്റ്റേഷന്‍ എസ്.ഐ പിടികൂടി 200 രൂപ പിഴയിട്ടത്. പണമടച്ച് രസീത് കൈപറ്റുന്നതിനിടെ സ്ഥലത്തേക്ക് ഹെല്‍മിറ്റാടാതെ മറ്റൊരു എസ്.ഐ ബൈക്കോടിച്ചെത്തുകയായിരുന്നു.
ഇതു കണ്ടതോടെ നാട്ടുകാര്‍ക്ക് ഒരു നിയമവും പൊലിസുകാര്‍ക്ക് വേറൊരു നിയമവുമുണ്ടോ എന്ന് റഫീഖിനൊപ്പം ബൈക്കില്‍ പിന്‍സീറ്റിലിരുന്ന് യാത്ര ചെയ്തിരുന്ന സുഹൃത്ത് പ്രതികരിച്ചത്. ഇത് കേട്ട എസ്.ഐ ദേഷ്യപ്പെടുകയും ഇരുവരേയും ഒരു ഓട്ടോയില്‍ സ്റ്റേഷനിലേക്ക് കൊണ്ടുപോവുകയും ചെയ്തു. പൊലിസുകാരനായ തന്നെ ചോദ്യം ചെയ്യാന്‍ ആരുമില്ലെന്നും കേസുകളുണ്ടായിരുന്ന താന്‍ പണം കൊടുത്താണ് ജോലി വാങ്ങിയതെന്നും ജോലി പോയാലും തനിക്കൊന്നുമില്ലെന്നും എസ്.ഐ പറഞ്ഞതായി റഫീഖും സുഹൃത്തും പറയുന്നു. ഇവരെ അരമണിക്കൂറിന് ശേഷമാണ് സ്‌റ്റേഷനില്‍ നിന്ന് വിട്ടയച്ചത്. ഇതിനിടെ പ്രതിഷേധവുമായി നാട്ടുകാരെത്തിയെങ്കിലും ഇവരെ വിട്ടയച്ചതോടെ രംഗം ശാന്തമാകുകയായിരുന്നു. ബൈക്കില്‍ യാത്ര ചെയ്യുമ്പോള്‍ പൊലിസുകാര്‍ നിര്‍ബന്ധമായും ഹെല്‍മറ്റ് ധരിക്കണമെന്ന് കര്‍ശന നിര്‍ദേശമുണ്ടണ്ട്