റിയാദ്: രാജ്യദ്രോഹ കുറ്റത്തിന് മൂന്നാഴ്ചക്കിടെ സഊദിയില്‍ പിടിയിലായത് 50 പേര്‍. ഇവരില്‍ 30 പേരും സഊദികളാണ്.
ആറ് ഫലസ്തീനികളും ,യെമന്‍, ഈജിപ്ത് എന്നീ രാജ്യങ്ങളിലെ നാലുവീതം പൗരന്മാരും മൂന്ന് ജോര്‍ദാനികളും പിടിയിലായവരില്‍ ഉള്‍പ്പെടും.
ഫിലിപ്പൈന്‍സ്, സിറിയ, അഫ്ഗാനിസ്താന്‍ എന്നീ രാജ്യങ്ങളിലെ ഒന്നുവീതം പൗരന്മാരും അറസ്റ്റിലായവരില്‍ ഉള്‍പ്പെടും.
ഇതോടെ ദേശദ്രോഹ കേസുകളില്‍ അറസ്റ്റിലായ ആകെ പ്രതികളുടെ എണ്ണം 5412 ആയി.
ഇവരില്‍ 4360 പേരും സ്വദേശികളാണ്.