പട്ടാമ്പി: മന്ത്രവാദത്തിന്റെ മറവില്‍ തമിഴ്‌നാട് സ്വദേശിയായ യുവതിയെ പീഡിപിച്ച കേസില്‍ മഞ്ഞളൂങ്ങല്‍ സ്വദേശി അറസ്റ്റില്‍. മഞ്ഞളുങ്ങല്‍ പന്ത പുലാക്കല്‍ അബു താഹിര്‍ മുസ്‌ലിയാരാണ് (33) പിടിയിലായത്. സ്വന്തം വീട്ടില്‍ മന്ത്രവാദ ചികിത്സ വര്‍ഷങ്ങളായി നടത്തിവരികയായിരുന്നു പ്രതി. കഴിഞ്ഞ ദിവസം കോയമ്പത്തൂരില്‍ നിന്നെത്തിയ കുടുംബത്തിലെ യുവതിയെ പീഡിപ്പിച്ചതായി യുവതി പൊലിസില്‍ പരാതിപ്പെട്ടു. ഇതിനെ തുടര്‍ന്നാണ് പ്രതിയെ പൊലിസ് പിടികൂടിയത്. ഇയാള്‍ക്കെതിരേ കൂടുതല്‍ പരാതികള്‍ ഉണ്ടന്നും വിശദമായ അന്വേഷണം നടന്ന് വരുന്നതായും പട്ടാമ്പി സി.ഐ പി.എസ് സുരേഷ് പറഞ്ഞു.