ചെര്‍പ്പുളശേരി: വാഹന പരിശോധനക്കിടെ ഓട്ടോറിക്ഷയില്‍നിന്ന് നിരോധിത പുകയില ഉല്‍പന്നങ്ങള്‍ ചെര്‍പ്പുളശ്ശേരി പൊലിസ് പിടികൂടി. 600 പാക്കറ്റ് ഹാന്‍സാണ് ഓട്ടോയില്‍ ഒളിപ്പിച്ച നിലയില്‍ പൊലിസ് കണ്ടെടുത്തത്. തുടര്‍ന്ന് നടത്തിയ പരിശോധനയില്‍ കുപ്പികളിലാക്കി സൂക്ഷിച്ച നിലയില്‍ 14 ലിറ്റര്‍ പെട്രോളും കണ്ടെടുത്തു. ഓട്ടോ ഓടിച്ചിരുന്ന ചളവറ സ്വദേശി അബ്ദുല്‍അസീസിനെ പൊലിസ് അറസ്റ്റ് ചെയ്തു.
ഇയാള്‍ ചളവറയിലും പരിസര പ്രദേശങ്ങളിലും കടകളിലും, മറ്റും ചില്ലറ വില്‍പനക്കായാണ് നിരോധിത പുകയില ഉല്‍പന്നങ്ങള്‍ എത്തിച്ചിരുന്നതെന്ന് പൊലിസ് പറഞ്ഞു.
കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.