തൃപ്രയാര്‍: ജില്ലാ പഞ്ചായത്ത് നടപ്പിലാക്കുന്ന ഷീ പാഡ് പദ്ധതിയുടെ തൃപ്രയാര്‍ ഡിവിഷന്‍ തല ഉദ്ഘാടനം നാട്ടിക എസ് എന്‍ ട്രസ്റ്റ് ഹയര്‍ സെക്കന്‍ഡറി  സ്‌കൂളില്‍ നിര്‍വഹിച്ചു.
ജില്ലാ പഞ്ചായത്ത് മെമ്പര്‍ ശോഭ സുബിന്‍ ഉദ്ഘാടനം നിര്‍വഹിച്ചു. ആര്‍ത്തവകാലഘട്ടത്തില്‍ വിദ്യാര്‍ഥിനികള്‍ നേരിടുന്ന ബുദ്ധിമുട്ടുകള്‍ പരിഹരിക്കുകയും ശുചിത്വ പൂര്‍ണമായ സ്‌കൂള്‍ അന്തരീക്ഷവും ആണ് പദ്ധതി ലക്ഷ്യം വെക്കുന്നത്. വൈന്‍ഡിങ്ങ് മെഷീന്‍, ഇന്‍സിനേറ്റര്‍ ഷീ പാഡ് അടക്കം 63000 രൂപയാണ് പദ്ധതിക്ക് ചിലവ് വരുന്നത്.നാണയം വൈന്‍ഡിങ്ങ് മെഷീനില്‍ നിക്ഷേപിച്ചാല്‍ പാഡുകള്‍ ലഭ്യമാകും. 1 രൂപ, 5 രൂപ, 10 രൂപ നാണയങ്ങള്‍ മെഷീനില്‍ നിക്ഷേപിക്കാന്‍ കഴിയും. ഹിന്ദുസ്ഥാന്‍ ലൈഫ് ലിമിറ്റഡ് ആണ് മെഷീന്‍ രൂപ കല്‍പന ചെയ്തിരിക്കുന്നത്.
തൃപ്രയാര്‍ ഡിവിഷനില്‍ മാത്രം 7 ലക്ഷം രൂപ വിനിയോഗിച്ചു. നാട്ടിക ഹയര്‍ സെക്കന്‍ഡറി സ്‌കൂള്‍, വലപ്പാട് ഹയര്‍ സെക്കന്‍ഡറി സ്‌കൂള്‍.കഴിമ്പ്രം ഹയര്‍ സെക്കന്‍ഡറി. എടത്തിരുത്തി കോണ്‍വെന്റ് എന്നിവിടങ്ങളില്‍ ഷീ പാഡ് അനുവദിച്ചു. ഡിവിഷനില്‍ വരുന്ന മുഴുവന്‍ സ്‌ക്കൂളുകളിലേക്കും പദ്ധതി വ്യാപിപ്പിക്കുമെന്ന് ജില്ലാ പഞ്ചായത്ത് മെമ്പര്‍ ശോഭ സുബിന്‍ പറഞ്ഞു.സുരേന്ദ്രന്‍,അമ്പിളി സതീഷ്, ശലഭ ടീച്ചര്‍, ബല്‍റാം, ഡോ.ഇക്ബാല്‍, രഘുരാമന്‍ കെ.ആര്‍ പ്രസംഗിച്ചു.