ധാക്ക: ആഴ്ചകളായി കടലില്‍ കുടുങ്ങിക്കിടന്നിരുന്ന 280ലേറെ റോഹിംഗ്യന്‍ അഭയാര്‍ഥികളെ ബംഗ്ലാദേശ് നാവികസേന രക്ഷപ്പെടുത്തി. ഇവരെ കരയിലെത്തിച്ച ശേഷം ക്വാറന്റൈനില്‍ വച്ചിരിക്കുകയാണ്.

14 ദിവസത്തേയ്ക്ക് ഇവരെ ക്വാറന്റൈനില്‍ വച്ചതായി നാവികസേനാ മേധാവി അറിയിച്ചു. 

ശേഷം, സര്‍ക്കാര്‍ തീരുമാനത്തിന് അനുസരിച്ചായിരിക്കും ഭാവി കാര്യങ്ങള്‍. നേരത്തെ, അഞ്ഞൂറോളം അഭയാര്‍ഥികള്‍ കടലില്‍ കുടുങ്ങിക്കിടക്കുന്നതായി റിപ്പോര്‍ട്ടുകള്‍ പുറത്തുവന്നിരുന്നു. 

വിവിധ രാജ്യങ്ങളിലെ ലോക്ക്ഡൗണിനെ തുടര്‍ന്ന് എവിടെയും കരകയറാനാകാതെ കുടുങ്ങിക്കിടന്നിരുന്ന ഇവരെ സഹായിക്കണമെന്നാവശ്യപ്പെട്ട് ഐക്യരാഷ്ട്രസഭ അടക്കമുള്ള സംഘടനകള്‍ രംഗത്തെത്തിയിരുന്നു.