ഇന്നു മുതല്‍ പുരുഷവിഭാഗത്തില്‍ രണ്ടും  വനിതാ വിഭാഗത്തില്‍ ഒന്നുമായി  മൂന്നുമത്സരം നടക്കും
ചീമേനി: ചീമേനി രക്തസാക്ഷി സ്മാരകക്ലബ്  സംസ്ഥാന ജില്ലാ വോളിബോള്‍ അസോസിയേഷനുമായി സഹകരിച്ച് നടത്തുന്ന സംസ്ഥാന ഇന്റര്‍ ക്ലബ് വോളിബോള്‍ മല്‍സരത്തിന് ചീമേനി ഫ്‌ളഡ്‌ലിറ്റ് സ്റ്റേഡിയത്തില്‍ തുടക്കമായി.എം.രാജഗോപാല്‍ എം.എല്‍.എ  ഉദ്ഘാടനം ചെയ്തു. ചീമേനി പഞ്ചായത്ത് പ്രസിഡന്റ് കെ  ശകുന്തള അധ്യക്ഷയായി. മുന്‍ എം.എല്‍.എ  കെ കുഞ്ഞിരാമന്‍ , തളിപ്പറമ്പ സര്‍ക്കിള്‍ ഇന്‍സ്‌പെക്ടര്‍ പ്രേമചന്ദ്രന്‍ ,  കെ. കുഞ്ഞിരാമന്‍ മാസ്റ്റര്‍, കെ.പി.വത്സലന്‍ സംസാരിച്ചു.
ഉദ്ഘാടന മത്സരത്തില്‍   ഇന്ത്യന്‍ നേവി കേരള പോസ്റ്റലിനോടും  കൊച്ചിന്‍ കസ്റ്റംസ് കേരള പൊലിസിനോടും  ഏറ്റുമുട്ടി.
ഇന്നു മുതല്‍ ദിവസവും പുരുഷവിഭാഗത്തില്‍ രണ്ടും  വനിതാ വിഭാഗത്തില്‍ ഒന്നുമായി  മൂന്നുമത്സരമാണു നടക്കുക.   ഇന്നത്തെ മത്സരത്തില്‍ വനിതാ വിഭാഗത്തില്‍ കെ.എസ്.ഇ.ബി തി രുവനന്തപുരം കേരള പൊലിസുമായി ഏറ്റുമുട്ടും.
പുരുഷ വിഭാഗത്തില്‍ കൊച്ചിന്‍ കസ്റ്റംസ് കേരള പോസ്റ്റലുമായും തുടര്‍ന്ന്  കേരള പൊലിസ് ഇന്ത്യന്‍ നേവിയുമായി ഏറ്റുമുട്ടും.