കല്‍പ്പറ്റ: വയനാട്ടിലും ക്രൈസ്തവ സമൂഹം ഓശാനപ്പെരുന്നാള്‍ ആഘോഷിച്ചു. ദേവാലയങ്ങളില്‍ ദിവ്യബലിയിലും കുരുത്തോലപ്രദക്ഷിണത്തിലും നിരവധിപേര്‍ പങ്കെടുത്തു. മാനന്തവാടി സെന്റ് ജോസഫ്‌സ് കത്തീഡ്രല്‍ പള്ളിയില്‍ മാനന്തവാടി രൂപതാധ്യക്ഷന്‍ മാര്‍ ജോസ് പൊരുന്നേടം ഓശാനശുശ്രൂഷയ്ക്ക് നേതൃത്വം നല്‍കി.
പുതുശേരിക്കടവ് സെന്റ് ജോര്‍ജ് യാക്കോബായ സുറിയാനി പള്ളി, പള്ളിക്കുന്ന് ലൂര്‍ദ്മാതാ ദേവാലയം, തരിയോട് സെന്റ് മേരീസ് ഫെറോനപള്ളി, വെള്ളമുണ്ട മംഗലശ്ശേരി സെന്റ് സെബാസ്റ്റ്യന്‍സ് ദേവാലയം, നടവയല്‍ ഹോളിക്രോസ്‌ഫൊറോന ദേവാലയം, നെയ്ക്കുപ്പ സെന്റ് ജോസഫ്‌സ് ദേവാലയം, കേണിച്ചിറ സെന്റ് സെബാസ്റ്റ്യന്‍സ് ദേവാലയം, നീര്‍വാരം കല്ലുവയല്‍ സെന്റ് മേരീസ് ദേവാലയം, പനമരം സെന്റ് ജൂഡ്‌സ് ദേവാലയം, ചെറുകാട്ടൂര്‍ സെന്റ് സെബാസ്റ്റ്യന്‍സ് ദേവാലയം, വാളവയല്‍ സെന്റ് സെബാസ്റ്റ്യന്‍സ് ദേവാലയം, പൂതാടി സെന്റ് മേരീസ് യാക്കോബായ സുറിയാനി പള്ളി, ആറാട്ടുതറ സെന്റ് തോമസ് ദേവാലയം, കമ്മന സെന്റ് ജോര്‍ജ് താബോര്‍ ഓര്‍ത്തഡോക്‌സ് പള്ളി, കല്‍പ്പറ്റ തിരുഹൃദയ ദേവാലയം എന്നിവിടങ്ങളിലും കുരുത്തോല പെരുന്നാള്‍ നടന്നു.