നിലമ്പൂര്‍: നിലമ്പൂര്‍ മുതീരി കേന്ദ്രമായി പ്രവര്‍ത്തിക്കുന്ന കാര്‍ത്തിക വനിതാ മെസില്‍ നിന്നിനി നാടന്‍ ഭക്ഷണങ്ങള്‍ സ്ഥാപനങ്ങള്‍, വീടുകള്‍ എന്നിവിടങ്ങളിലേക്കെത്തിച്ചു നല്‍കും. കുടുംബശ്രീ പരിശീലന സ്ഥാപനമായ ഐഫ്രത്തിന്റെ കീഴില്‍ വിദഗ്ധ പരിശീലനം നേടി കാര്‍ത്തിക വനിതാ മെസ് ഹൗസ് കൂടുതല്‍ സൗകര്യത്തോടെ ഇന്നു മുതല്‍ പ്രവര്‍ത്തനം തുടങ്ങുന്നതിന്റെ ഭാഗമായാണ് ഭക്ഷണ വണ്ടി ഒരുക്കുന്നത്. ഗവ. സ്ഥാപനങ്ങള്‍, ബാങ്കുകള്‍, കച്ചവട സ്ഥാപനങ്ങള്‍ എന്നിവയിലേക്കും ഓര്‍ഡര്‍ അനുസരിച്ച് ഭക്ഷണം എത്തിക്കും.
കുടുംബശ്രീ ഭക്ഷണവണ്ടിയുടെ ഉദ്ഘാടനം ഇന്ന് രാവിലെ പത്തിന് നിലമ്പൂര്‍ മുനിസിപ്പല്‍ പരിസരത്ത് നഗരസഭാധ്യക്ഷ പത്മിനി ഗോപിനാഥ് നിര്‍വഹിക്കും. പകല്‍ പത്തുമുതല്‍ വൈകിട്ട് അഞ്ചുവരെ നിലമ്പൂര്‍ പരിസരത്തും കനോലിപ്ലോട്ട് പരിസരത്തും ഭക്ഷണവണ്ടി ഉണ്ടായിരിക്കും.