അമ്പലപ്പുഴ: ഉത്സവപറമ്പിലുണ്ടായ സംഘര്‍ഷത്തില്‍ രണ്ടു പേര്‍ക്ക് പരുക്കേറ്റു. പുന്നപ്ര തെക്ക് പഞ്ചായത്ത് 14-ാം വാര്‍ഡില്‍ ഷിബുവിന്റെ മകന്‍ അര്‍ജുന്‍ (21), കാക്കാഴം വെള്ളംപറമ്പില്‍ ബൈജുവിന്റെ മകന്‍ ആദര്‍ശ് (17) എന്നിവരെയാണ് വണ്ടാനം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചത്. ഇന്നലെ പുലര്‍ച്ചെ നീര്‍ക്കുന്നം കളപ്പുരയ്ക്കല്‍ ക്ഷേത്ര മൈതാനിയില്‍ വച്ചായിരുന്നു സംഭവം. ഗാനമേള നടക്കുന്നതിനിടയില്‍ മദ്യപിച്ചെത്തിയ ഒരുപറ്റം യുവാക്കള്‍ നടത്തിയ ആക്രമണത്തില്‍ സമീപത്തുണ്ടായിരുന്ന അര്‍ജുനും ആദര്‍ശിനും മര്‍ദനമേല്‍ക്കുകയായിരുന്നു.
ഇവരുടെ പരാതിയുടെ അടിസ്ഥാനത്തില്‍ അമ്പലപ്പുഴ പൊലിസ് കേസെടുത്ത് അന്വേഷണം ആരംഭിച്ചു.