തിരുവനന്തപുരം: സംസ്ഥാന സര്‍ക്കാര്‍ ജീവനക്കാര്‍ക്കുള്ള ഭവന നിര്‍മാണ വായ്പ ഒരു ഗഡു കൂടി ഉടന്‍ നല്‍കാന്‍ തീരുമാനിച്ചതായി ധനമന്ത്രിയുടെ ഓഫിസ് അറിയിച്ചു. 

നിലവിലുള്ള അര്‍ഹതാ ലിസ്റ്റില്‍ നിന്ന് മുന്‍ഗണന അനുസരിച്ചായിരിക്കും ഭവന നിര്‍മാണ വായ്പ നല്‍കുക. 50 കോടി രൂപയാണ് ഇതിനായി ഉടന്‍ നല്‍കുന്നത്. നിലവില്‍ ജീവനക്കാര്‍ക്കു ലഭിക്കുന്ന ആനുകൂല്യങ്ങള്‍ ഉറപ്പാക്കി ബദല്‍ സംവിധാനം വരുന്നതു വരെ നിലവിലുള്ള ലിസ്റ്റില്‍ നിന്ന് മുന്‍ഗണന പ്രകാരം സര്‍ക്കാര്‍ ഘട്ടം ഘട്ടമായി വായ്പ അനുവദിക്കും.