ന്യൂഡല്‍ഹി: യമുനാ നദീതീരത്ത് ഛൗത്ത് പൂജ നടത്താന്‍ അനുമതി നിഷേധിച്ച് ഡല്‍ഹി ഹൈക്കോടതി.
ഗീത കോളനിക്കു സമീപം യമുന നദീതീരത്ത് ഛൗത് പൂജ നടത്താന്‍ ഭക്തര്‍ക്ക് അനുമതി നിഷേധിച്ച ഡല്‍ഹി ഹൈക്കോടതി, നദിയിലെ ഉയര്‍ന്ന തോതിലുള്ള മലിനീകരണത്തില്‍ ആശങ്ക പ്രകടിപ്പിച്ചു.

അത് നിങ്ങള്‍ക്ക് വളരെ ദോഷകരമായിരിക്കും. നദി വളരെ മലിനമായിരിക്കുന്നു, നിങ്ങള്‍ അതില്‍ മുങ്ങിയാല്‍, നിങ്ങള്‍ക്ക് അപകടമുണ്ടാകാന്‍ സാധ്യതയുണ്ട്. അത് നമുക്ക് അനുവദിക്കാനാവില്ല. നദി വളരെ മലിനമായിരിക്കുന്നു, ചീഫ് ജസ്റ്റിസ് മന്‍മോഹന്‍, ജസ്റ്റിസ് തുഷാര്‍ റാവു ഗെഡേല എന്നിവരുടെ ബെഞ്ച് പറഞ്ഞു.

യമുന നദിയിലെ മലിനീകരണം എക്കാലത്തെയും ഉയര്‍ന്ന നിലയിലാണെന്ന വസ്തുത ശ്രദ്ധയില്‍പ്പെടുത്തിയ ഹൈക്കോടതി ഷബ്‌നം ബര്‍ണി കേസിലെ കോടതി വിധിയും ചൂണ്ടിക്കാട്ടി.
കാളിന്ദി കുഞ്ചിലെ യമുന നദിയില്‍ മലിനീകരണ തോത് ഉയര്‍ന്ന നിലയില്‍ തുടരുന്നതിനാല്‍ പതകള്‍ നുരഞ്ഞൊഴുകുന്നത് കണ്ട സാഹചര്യത്തിലാണ് ഡല്‍ഹി ഹൈക്കോടതിയുടെ വിധി.