തുറവൂര്‍: മികച്ച തിരക്കഥക്ക് ദേശീയ ചലച്ചിത്ര പുരസ്‌കാരം നേടിയ ശ്യാംപുഷ്‌കരനേയും മികച്ച മലയാള സിനിമയായി തെരഞ്ഞെടുത്ത മഹേഷിന്റെ പ്രതികാരം നിര്‍മാതാവായ ദിലീഷ് പോത്തനേയും ആദരിച്ചു. ചേര്‍ത്തല സംസ്‌കാരയുടെ പ്രതിമാസ പരിപാടിയോടനുബന്ധിച്ചാണ് സ്വീകരണ ചടങ്ങ് സംഘടിപ്പിച്ചത്. സ്വീകരണ സമ്മേളനം സുന്ദരന്‍ കല്ലായി ഉദ്ഘാനം ചെയ്തു. സംസ്‌കാര പ്രസിഡന്റ് പൂച്ചാക്കല്‍ ഷാഹുല്‍ അധ്യക്ഷനായി.
വിദ്വാന്‍ കെ.രാമകൃഷ്ണന്‍, ആലപ്പി ഋഷികേശ്, ഗൗതമന്‍ തുറവൂര്‍, ജോസഫ് മാരാരിക്കുളം, കരപ്പുറം രാജശേഖരന്‍, ബേബി തോമസ്, എം.എ.എം.നജീബ്, വെട്ടക്കല്‍ മജീദ്, ഗീത തുറവൂര്‍ സംസാരിച്ചു. പ്രസന്നന്‍ അന്ധകാരനഴി, ഫിലോമിന സേവ്യര്‍, ബാലചന്ദ്രന്‍ പാണാവളളി, വിനയകുമാര്‍ തുറവൂര്‍, മംഗളന്‍ തൈക്കല്‍, ഗ്രാമശ്രീ സുരേഷ്, പി.കെ.സുഗതന്‍, പി.നളിനപ്രഭ, കൃഷ്ണന്‍കുട്ടി, അര്‍ച്ചന എസ്.നിധി, അനു അക്ത്തര്‍, പങ്കാജക്ഷന്‍ എന്നിവര്‍ വിവിധ കലാപരിപാടികള്‍ അവതരിപ്പിച്ചു.