ആലത്തൂര്‍: ബസ് യാത്രക്കിടെ മോഷണ ശ്രമം നടത്തിയ രണ്ടുപേരെ ആലത്തൂര്‍ പൊലിസ് അറസ്റ്റ് ചെയ്തു. തമിഴ്‌നാട് തിരുപ്പൂര്‍ സ്വദേശികളായ ഭവാനി (20), മീന (25) എന്നിവരേയാണ് പിടികൂടിയത്. വെങ്ങന്നൂര്‍ കിഴക്കെ വീട്ടില്‍ കണ്ണന്‍ കുട്ടിയുടെ ഭാര്യ ശകുന്തളയുടെ ആയിരം രൂപയടങ്ങിയ പഴ്‌സ് മോഷണം നടത്തുന്നതിനിടെ പിടികൂടുകയായിരുന്നു. പാലക്കാട് തൃശൂര്‍ റൂട്ടിലെ ബസില്‍ ബാങ്ക് റോഡുവച്ചാണ് മോഷണ ശ്രമം. ആലത്തൂര്‍ ബസ് സ്റ്റാന്‍ഡില്‍വച്ച് പൊലിസ് രണ്ട് പേരയും അറസ്റ്റ് ചെയ്തു.