പൊന്നാനി: മണ്ഡലത്തിലെ നാലായിരത്തോളം വരുന്ന ഭൂരഹിത കുടുംബങ്ങള്‍ക്കു ഭൂമി ലഭ്യമാക്കുവാനും സമഗ്ര ഭൂപരിഷ്‌കരണനിയമം നിയമസഭ
യില്‍ പാസാക്കുവാനും നിയമസഭാധ്യക്ഷന്‍ കൂടിയായ എംഎല്‍എ മുന്‍കൈയെടുക്കണമെന്നാവശ്യപ്പെട്ടു വെല്‍ഫെയര്‍ പാര്‍ട്ടി പൊന്നാനി മണ്ഡലം ഭൂസമര സമിതിയുടെ ആഭിമുഖ്യത്തില്‍ എംഎല്‍എ ഓഫിസിലേക്ക് മാര്‍ച്ച് സംഘടിപ്പിച്ചു.കേരളത്തിലെ ജനലക്ഷങ്ങള്‍ അഭിമുഖീകരിക്കുന്ന ജീവല്‍പ്രശ്‌നത്തിന് പരിഹാരം കാണാന്‍ സര്‍ക്കാര്‍ തയ്യാറാകണമെന്ന് മാര്‍ച്ച് ഉദ്ഘാടനം ചെയ്ത വെല്‍ഫെയര്‍ പാര്‍ട്ടി മണ്ഡലം പ്രസിഡന്റ് ആവശ്യപ്പെട്ടു. കാസിം അയിരൂര്‍, അബ്ദുല്‍ ഖാദര്‍ മണമ്മല്‍, രമേശന്‍ മടത്തുംപുറം, പ്രസന്ന മാരാമുറ്റം, അഡ്വ. സെയ്ദ് മുഹമ്മദ്, സീനത്ത് കോക്കൂര്‍ നേതൃത്വം നല്‍കി.