കുറ്റ്യാടി: കായക്കൊടി പഞ്ചായത്തിലെ ഐക്കല്‍താഴ-കരുവന്തോടിത്തറ റോഡിന്റെ ശോച്യാവസ്ഥ പരിഹരിക്കണമെന്ന ആവശ്യം ശക്തമാകുന്നു.
ആയിരക്കണക്കിന് ജനങ്ങള്‍ ഉപയോഗിക്കുന്ന റോഡ് പൂര്‍ണമായും തകര്‍ന്നതോടെ ഓട്ടോറിക്ഷ, ജീപ്പ് ഉള്‍പ്പെടെയുള്ള വാഹന ഗതാഗതവും പൂര്‍ണമായും സ്തംഭിച്ച നിലയിലാണ്.
അഞ്ചു വര്‍ഷം മുന്‍പ് ടാറിങ് പൂര്‍ത്തിയാക്കിയ റോഡ് തകര്‍ന്നത് നാട്ടുകാരെ ദുരിതത്തിലാക്കിയിട്ടുണ്ട്. റോഡിന്റെ ശോച്യാവസ്ഥ പരിഹരിക്കാന്‍ അടിയന്തര നടപടി വേണമെന്നാവശ്യപ്പെട്ട് പ്രക്ഷോഭത്തിനൊരുങ്ങുകയാണ് നാട്ടുകാര്‍.