തിരുവനന്തപുരം: ജിഷ വധക്കേസുമായി ബന്ധപ്പെട്ട് മുഖ്യമന്ത്രി പിണറായി വിജയന്‍ അസത്യപ്രചാരണം നടത്തുകയാണെന്ന് പ്രതിപക്ഷ നേതാവ് രമേശ് ചെന്നിത്തല. മുന്‍ അന്വേഷണ സംഘം കണ്ടെത്തിയതില്‍ കൂടുതലായി എന്താണ് പുതിയ സംഘം കണ്ടെത്തിയതെന്നും അദ്ദേഹം ചോദിച്ചു.

പൊലിസ് ഏത് തെളിവുകള്‍ നശിപ്പിച്ചുവെന്നാണ് മുഖ്യമന്ത്രി പറയുന്നത്. ആദ്യ അന്വേഷണ സംഘം കണ്ടെത്തിയ തെളിവുകളില്‍ നിന്നു തന്നെയാണ് പ്രതിയ പിടികൂടിയിട്ടുള്ളത്. കുടുംബാംഗങ്ങള്‍ രേഖാമൂലം ആവശ്യപ്പട്ടതനുസരിച്ചാണ് ജിഷയുടെ മൃതദേഹം ദഹിപ്പിച്ചതെന്നും ചെന്നിത്തല പറഞ്ഞു.