തൂനിസ്: തുനീഷ്യന്‍ തലസ്ഥാന നഗരിയിലെ പ്രസവാശുപത്രിയില്‍ 11 ശിശുക്കള്‍ മരിച്ചു. ഇതേത്തുടര്‍ന്ന് ആരോഗ്യമന്ത്രി അബ്ദുല്‍ റഊഫ് അല്‍ ശരീഫ് രാജിവച്ചു. സംഭവത്തില്‍ അന്വേഷണം നടക്കുകയാണ്.

മന്ത്രിയുടെ രാജി പ്രധാനമന്ത്രി യൂസുഫ് ചാഹെദ് സ്വീകരിച്ചു. തൂനിസിലെ രബ്ത ആശുപത്രിയില്‍ വ്യാഴാഴ്ചയാണ് സംഭവം.

സംഭവത്തില്‍ യൂസുഫ് ചാഹെദ് അന്വേഷണം പ്രഖ്യാപിക്കുകയും ചെയ്തു. രക്തവുമായി ബന്ധപ്പെട്ട ഇന്‍ഫെക്ഷനാണ് ശിശുക്കളുടെ കൂട്ട മരണത്തില്‍ കലാശിച്ചതെന്നാണ് പ്രാഥമിക വിവരം.