കോഴിക്കോട്: ഉത്തരേന്ത്യയിലെ വിവിധ സംസ്ഥാനങ്ങളില്‍ നിരവധി സാമൂഹ്യ സേവന പ്രവര്‍ത്തനങ്ങള്‍ നടത്തി വരുന്ന ലാഡര്‍ ഫൗണ്ടേഷന്‍ ഓഫ് ഇന്ത്യ പാണക്കാട് സയ്യിദ് ഹൈദരലി ശിഹാബ് തങ്ങള്‍ ലോഞ്ച് ചെയ്തു. എം.പി മാരായ പി.കെ.കുഞ്ഞാലിക്കുട്ടി, ഇ.ടി മുഹമ്മദ് ബഷീര്‍ എന്നിവരും ചടങ്ങില്‍ പങ്കെടുത്തു.
മുസ്‌ലിംലീഗും പോഷക സംഘടനകളും നടത്തി വരുന്ന ജീവകാരുണ്യ - സേവന പ്രവര്‍ത്തനങ്ങളെ ഏകോപിപ്പിക്കാനും സര്‍ക്കാര്‍ സംവിധാനങ്ങളോട് സഹകരിക്കാനും പൊതുജന പങ്കാളിത്തം ഉറപ്പാക്കുന്നതിനും വേണ്ടിയാണ് ലാഡര്‍ ഫൗണ്ടേഷന്‍ ഓഫ് ഇന്ത്യ എന്ന എന്‍.ജി.ഒ രൂപീകരിച്ചത്.
16 സ്‌കൂളുകളിലും 33 ഗ്രാമങ്ങളിലും ഫൗണ്ടേഷന്‍ സഹായങ്ങള്‍ നല്‍കിവരുന്നുണ്ട്.