വിശാഖപട്ടണം: ആന്ധ്രയിലും തെലങ്കാനയിലും വ്യത്യസ്ത വാഹനാപകടങ്ങളില്‍ 24 പേര്‍ കൊല്ലപ്പെട്ടു. തെലങ്കാനയില്‍ ഒരു ട്രാക്റ്റര്‍ കനാലിലേക്ക് മറിഞ്ഞ് 15 സ്ത്രീകളാണ് മരിച്ചത്. ആന്ധ്രയില്‍ ഓട്ടോയും ബസും കൂട്ടിയിടിച്ച് 9 പേര്‍ക്കാണ് ജീവന്‍ നഷ്ടമായത്. തെലങ്കാനയിലെ യാദാദ്രി ബോനാഗിര്‍ ജില്ലയിലാണ് ദുരന്തമുണ്ടായത്. തൊഴിലാളികളായ സ്ത്രീകള്‍ സഞ്ചരിച്ച ട്രാക്റ്ററാണ് കനാലിലേക്ക് മറിഞ്ഞത്. മുപ്പതാളുകളാണ് ഇതിലുണ്ടായിരുന്നത്. മരിച്ചതില്‍ ഒരു പെണ്‍കുട്ടിയും ഉള്‍പ്പെടും. ആന്ധ്രയില്‍ കുര്‍ണൂലില്‍ കണ്ണ് രോഗ ചികിത്സയ്ക്കായി പോകുന്ന 13 പേര്‍ സഞ്ചരിച്ച ഓട്ടോയാണ് ബസുമായി കൂട്ടിയിടിച്ചത്.