മുംബൈ: പോളിങ് ദിവസം വോട്ടിങ് യന്ത്രത്തിന്റെ പ്രവര്‍ത്തനം സംബന്ധിച്ച് വിശദീകരിക്കുമ്പോള്‍ ബൂത്ത് തല പ്രവര്‍ത്തകര്‍ ജാഗ്രത പാലിക്കണമെന്ന് പാര്‍ട്ടി പ്രവര്‍ത്തകര്‍ക്ക് എന്‍.സി.പി അധ്യക്ഷന്‍ ശരത് പവാറിന്റെ മുന്നറിയിപ്പ്. വോട്ടിങ്‌മെഷിനില്‍ കൃത്രിമത്വം കാണിക്കാന്‍ കഴിയില്ലെന്ന് അവകാശപ്പെടുന്നുണ്ടെങ്കിലും നേരത്തെ നടന്ന തെരഞ്ഞെടുപ്പില്‍ കൃത്രിമത്വം നടന്നതായുള്ള ആരോപണം ശക്തമായ സാഹചര്യത്തിലാണ് പവാര്‍ ജാഗ്രത പാലിക്കാന്‍ നിര്‍ദേശം നല്‍കിയത്. വോട്ടിങ് യന്ത്രത്തില്‍ ക്രമക്കേട് നടത്താന്‍ കഴിയുമെന്ന് പോളിങ് ദിവസം രാവിലെ ബൂത്തിലെത്തി വോട്ടിങ് മെഷിന്‍ ശരിയായ രീതിയിലല്ലേ വച്ചതെന്ന് നോക്കുകയും വേണമെന്ന് പാര്‍ട്ടി പ്രവര്‍ത്തകര്‍ക്കായി നടത്തിയ പരിപാടിയില്‍ അദ്ദേഹം വ്യക്തമാക്കി.