മുക്കം: കാരമൂല ദാറുസ്വലാഹ് ഇസ്‌ലാമിക് അക്കാദമി 20ാം വാര്‍ഷിക പ്രഖ്യാപനവും ദാറുസ്വലാഹിന്റെയും ജൂനിയര്‍ കോളജുകളുടെ ക്ലാസ് ആരംഭവും സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ നിര്‍വഹിച്ചു.
ദാറുസ്വലാഹ് പ്രിന്‍സിപ്പല്‍ ഉമര്‍ ഫൈസി മുക്കം അധ്യക്ഷനായി. സമസ്ത മാനേജര്‍ കെ. മോയിന്‍കുട്ടി മാസ്റ്റര്‍, ജില്ലാ പഞ്ചായത്തംഗം സി.കെ കാസിം, യു.കെ അബ്ദുല്‍ ലത്തീഫ് മൗലവി, സി. മൂസ മാസ്റ്റര്‍, നടുക്കണ്ടി അബൂബക്കര്‍, ഹുസൈന്‍ ബാഖവി അമ്പലക്കണ്ടി, അഹമ്മദ്കുട്ടി ബാഖവി വാവാട്, കെ. കോയ, ഫാഷല്‍ ഇസ്മാഈല്‍കുട്ടി ഹാജി, ഹാഫിള് മാജിദ് ബീഹാരി, മുഹമ്മദ് അസ്‌ലമി അരിമ്പ്ര സംസാരിച്ചു. ദാറുസ്വലാഹ് ജനറല്‍ സെക്രട്ടറി സലാം ഫൈസി മുക്കം സ്വാഗതവും ജോ. സെക്രട്ടറി നവാസ് ഓമശ്ശേരി നന്ദിയും പറഞ്ഞു.