വടുവന്‍ചാല്‍: റിപ്പണ്‍ സമന്വയം സാംസ്‌കാരിക വേദി ഗ്രന്ഥാലയം സമന്വയം ടീന്‍ ക്ലബിന്റെ പ്രസിഡന്റായിരുന്ന മുബശ്ശിറിന്റെ ഓര്‍മക്കായി ഏര്‍പ്പെടുത്തിയ മുബശ്ശിര്‍ പ്രതിഭാ പുരസ്‌ക്കാരം വടുവന്‍ചാല്‍ ഗവ.ഹൈസ്‌കൂളിലെ താരിഷ നൗറിന്.
മേപ്പാടി, വടുവന്‍ചാല്‍ പഞ്ചായത്തുകളിലെ വിദ്യാലയങ്ങളില്‍ നിന്നും എസ്.എസ്.എല്‍.സി പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ നിര്‍ധന വിദ്യാര്‍ഥികളെയാണ് പുരസ്‌കാരത്തിന് പരിഗണിച്ചിരുന്നത്. വടുവന്‍ചാല്‍ ക്ഷീരോല്‍പാദക സംഘം ഹാളില്‍ നടന്ന ചടങ്ങില്‍ ഡിവൈഎസ്പി പ്രിന്‍സ് അബ്രഹാം പുരസ്‌കാരം നല്‍കി. വിനോദ് ആന്‍ഡ്രൂസ് അധ്യക്ഷനായി. ചടങ്ങില്‍ നോവലിസ്റ്റ് ജോസ് പാഴൂക്കരന്‍ മുഖ്യപ്രഭാഷണം നടത്തി. മാധ്യമ പ്രവര്‍ത്തകന്‍ കമല്‍ വിദ്യാര്‍ത്ഥികളുമായി സംവദിച്ചു. പി അസ്മിന, ജിജില സോമന്‍, പി.വി കദീജ, സിസ്റ്റര്‍ ജെസ്മി, പി.സി ജോണ്‍ മാസ്റ്റര്‍, കെ അഷറഫ് അലി, താരിഷ നൗറീന്‍ എന്നിവര്‍ സംസാരിച്ചു.